Gleðilega aðventu kæra fólk. Ég er búin að búa til aðventukrans , já í fyrsta sinn gerði ég "minns eigins krans" úr greni og öllu.....er svoo hrikalega stolt af honum. Fékk reyndar smá hjálp, börnin tóku þátt. Annars ætla ég bara að hafa þetta stutt mig langaði bara að setja inn smá hrós og þakkir. Já gott er að eiga góða að, sérstaklega þegar maður er orðin eins og hvalreki og niðurtalning það eina sem kemst að í hausnum á manni. Hún Drífa vinkona mín er kjarnakona, hún hringdi í mig í dag bara svona til að spjalla um daginn og veginn( þó að hún búi reyndar aðeins nokkrum húsum frá er alltaf gott að taka bara upp tólið....hehehe) hún spurði hvort að ég væri eitthvað byrjuð að jólaskreyta og ég dæsti bara og sagðist varla vilja setja jólaljós í drulluga glugga með rykföllnum gardínum fyrir !! skiljanlegt, ekki satt ?
jájá...þá sagði mín bara; heyrðu ég kem bara, og við rympum þessu af, við verðum enga stund að þessu saman!!!!  JÁ OK... og það var ekki að spyrja að því, nú er komið kvöld og allar gardínur hreinar og glugggarnir glansandi og komið jólaskraut í þá flesta !!!  Konur er konum verstar hvað ? ójá , ég kannski gleymdi að minnast á það að hún Drífa er líka ólétt...wooohooo . Takk Drífa mín , elsku Drífa mín.

1 ár... já í dag 6 Nóvember á ég árs afmæli..., það er ekki fyrr en á morgun , 7. Nóv,sem hún Katla Mist á afmæli.
 Í dag er nákvæmlega eitt á síðan ég hætti að reykja !! mikið rosalega er ég ánægð með að hafa náð þessum árangri, og þar skemmtilegasta er að það var ekki eins erfitt og ég var búin að segja sjálfri mér að það yrði. Auðvita eru búnar að koma stundir þar sem mig blóðlangaði til þess að gefa bara skít í allt og kveikja mér í ....er þær voru bara svo fljótar að líða hjá að það tók því ekki að klæða sig í skó og arka af stað í sjoppuna...hehe. Mig langar til þess að taka það sérstaklega fram að ég keypti aldrei nigótín tyggjó eða nigótín plástra eða neitt annað sem er jafnvel meira vanabindandi en retturnar sjálfar...ég bara hætti !!

Það ættu allir að vera jafn lukkulegir og ég að eiga ömmu í Hrísey. Mín á reyndar heima á Dalvik en það eru landafræðilegir smámunir. Hún er svo mikl perla þessi kona og hæfileikarík með eindæmum. Hún prjónar, heklar, málar, föndrar og dreifir góðum straumum til fólks með hugarorkunni einni saman þar sem hún er líka reikimeistari ! Hún og afi eiga 6 börn, fulla skúffu af barnabörnum og troðfullan skáp af barnabarnabörnum...og já hún er með alla afmælisdaga á hreinu. Að eiga ömmu í Hrísey er eins og að eiga góða vinkonu, það er að segja símalega séð, það er alltaf hægt að slá á þráðinn og slúðra svolítið, flissa að vitleysunni í hinum í ættinni og svo bara spjalla ef manni leiðist.
Það er bara ein "amma í Hrísey" og það er amma mín....þó hún búi núna á Dalvík

jíííha! fékk smá verkgleði í gær og skellti nýjum myndum og fyrir þá sem ekki vita hvar á að smella með músinni , þá er að undir litla skotti hægra megin...>>>>
Annars fór Katla í skoðum í gær (16/9) og var mæld og skoðuð á alla kanta....er sem sagt tveggja og hálfs árs í þyngd og 18 mánaða á lengd, það er á mannamáli 14 kg og 79cm ! sem sagt fullkomin...

Jæja þá er það sumarfærslan, T&V fóru í sumarbúðir í vikunni þannig að við verðum bara 3 í kotinu næstu daga....doldið lonely en bara fínt annað slagið. Óli er búin að vera extra dugnlegur á þakinu og þriðji og síðasti kvisturinn óðum að verða kominn upp.
Katla Mist fór til hjartalæknisins....eða réttara sagt við fórum með Kötlu Mist til hjartalæknisins... og það kom  bara eins vel út og við gátum vonað , annað gatið er horfið og hitt hefur minnkað. Við þurfum því ekki að koma aftur fyrr en  eftir ár og það verður að öllum líkindum síðasta skoðunin ef allt gengur eftir.
Æi það er eitthvað svo gott veður úti núna ....ég nenni ekki að blogga vildi samt bara rétt í lokin minna á bloggið hennar Thelmu sem getur verið frekar fyndið þegar hún nennir að blogga.... ein 11 að verða 17 hahahaha... ó já bæ þe vei, var ég búin að segja ykkur að ég er í suuuumarfrííí-i... ne ne ne ne ne ne....